Shymkent qalalyq polısııa departamentiniń uıymdasqan qylmysqa qarsy kúres basqarmasynyń qyzmetkerleri jergilikti turǵynnan aqsha bopsalaǵan О́zbekstan azamatyn ustady, dep habarlaıdy Egemen.kz.
Jábirlenýshi boıjetken áleýmettik jelide er adammen tanysyp, birneshe aı boıy hat almasqan. Keıin kúdikti senimge ıe bolyp, onyń jeke derekteri men fotosýretterine jáne ıntımdik sýretterine qol jetkizgen. Keıin bul sýretterdi «jaqyndaryna taratamyn» dep qorqytyp, aqsha talap ete bastaǵan.
Uıymdasqan qylmysqa qarsy kúres basqarmasynyń qyzmetkerleri júrgizgen arnaıy operasııanyń nátıjesinde bopsalaýshy Atyraý qalasynda ustaldy. Ol 34 jastaǵy О́zbekstan azamaty bolyp shyqty.
«Polısııa atalǵan jaıtqa qatysty Qylmystyq kodekstiń 194-baby «Bopsalaý» boıynsha tergeý júrgizip jatyr. Kúdiktiniń osyǵan uqsas basqa da qylmystarǵa qatysy bar-joǵy tekserilýde. Tártip saqshylary áleýmettik jelilerde beıtanys adamdarmen jeke taqyryptarda hat almasýǵa jáne jeke sıpattaǵy fotosýretter men beınelerdi saqtaýǵa jáne jiberýge bolmaıtynyn eskertedi», - delingen Shymkent qalasy polısııa departamentiniń baspasóz qyzmeti taratqan aqparatta.